|♥||♥| 10 نكت مغربية إستمتعوا |♥||♥|

                                    اليوم جئت لكم بنكت مغربية جميلة جداً أتمنى أن ترسم لكم بسمة في وجوهكم و أن تفيدكم

                                                                نبدأ على بركة الله

                                                                  *نكتة رقم 1*

                                                    واحد مبوق جالس فالقسم، كل شوية كيضحك
                                                       فالتالي ضحك واحد الضحكة بالجهد
                                                     قال ليه المعلم: نتا مالك واش تسطيتي؟
                                       قال ليه المبوق: راه كنت كنعاود لراسي النكت، واخر وحدة أول مرة نسمعها

                                                                 *نكتة رقم 2*

                                                   الفار بغى يبان على خطيبتو، وهو يبدا يسب الفيل ويعايرو
                                         الغد ليه مشى الفار عند الفيل، وطلب منو السماح، وقال ليه: أرا ليا راسك نبوسها
              بالصدفة دازت خطيبة الفار من حداهم، وهو ينوض الفار قال للفيل: أشنو ندير ليك دابا؟ نبجغك؟ نعفط عليك؟ دوي؟ بغيتي نمسحك من على وجه الأرض؟

                                                                *نكتة رقم 3*                                             

                                                         عاد أحمد مرهقا ووجد ابنته هند تطبخ.

                                                              سألها : ماذا تطبخين ؟

                                                              أجابته : كسكسو بالراس.

                                                        فقال لها: كسكسو بالراس أو بالكوت سيزو

                                 فتشقلبت هند من الضحك وأسقطت الفانوس وحرقت الخيمة وعمت النيران أرجاء القبيلة فماتو مسرورين.

                                                               *نكتة رقم 4*   

                                                     هادا واحد مكلخ دخل يدوز الامتحان
                                                  خرج ليه واحد السؤال كان موجد ليه النقيل
                                           ناض المكلخ لصق ف ورقة الامتحان النقيل اللي كان موجدو

                                                            *نكتة رقم 5*

                        هادا واحد تابع وحدة، وبدا عليها: ما نشوفوكش أزين، حنا عندنا الديور، وعندنا المحلات، وعندنا الطوموبيلات...
                                   دارت البنت وغير بانت ليه خايبة، وهو يقول ليها: ولكن خسارة، بعنا كلشي.

                                                          *نكتة رقم 6*

                                 هادا واحد الراجل عرض على صحابو للغدا، وحط ليهوم  طبسيل ديال العدس.
                                          قال ليهوم: كولوا العدس راه مزيان فيه الحديد
                                   تكاو عليه هاك بالاك، هاك بالاك، هاك بالاك، حتى فضاو معاه
                                           قالوا ليه: زيدنا واحد طبسيل آخر
                                  هاداك الراجل تعقدات ليه، ماكانش معول على جوج طباسل
                                مشى عمر ليهوم الطبسيل بالمسامر وقال لصحابو: كولو الحديد راه فيه العدس

                                                       *نكتة رقم 7*

                                 واحد مكلخ سول صاحبو مكلخ كتر منو: شكون أقدم حيوان ف العالم؟
                                             قال ليه صاحبو: الحمار الوحشي
                                             قال ليه لاخور: وباش عرفتي؟
                                            قال ليه صاحبو: حيت بيض وكحل

                                                      *نكتة رقم 8*

                                          مبوق سول صاحبو: شحال ف الساعة؟
                                             قال ليه صاحبو: الخمسة وخمسة
                                         قال ليه المبوق: ما تعرفش تقول عشرة؟

                                                   *نكتة رقم 9*

                                        هادا واحد نعس معطل لقى الحلم بادي

                                              *نكتة رقم 10 والأخيرة *

                                      واحد تلقى ليه شفار وقال ليه : ارا التلفون ديالك
                                         قال ليه لاخر : قيد عندك 066

                                                      :خاتمة:

                                         أتمنى أن تستمتعوا بنكتي الجميلة و الجديدة

                                    * بسمتكم تهمنا * 

                        شكر جزيل لجميع أعضاء و زوار المنتدى و إلى القاء إلى موضوع جديد إنشاء الله

                                                  أخوكم علاء الدين